بصراحة ... مش عاجبني

5 تعليقات على : “إذا أنت ريالي ... أنا برشاااااااااا”

1. 

   lutfi 11 أبريل 2010 في 4:26 م

   مس الخير ابو عبد الملك ,,,, الو شي بهنيك بفوز الفريق الذي تشجعه وهو البرشا( طبعا وانا زيك).... خلينا نحكي في الموضوع,,, بصراحة انا من الناس اللي بتحب الكرة النظيفة وكمان باحب اتابع المباريات الحلوة ,, واكيد اي شخص بيحضر اي مبارة لازم يشجع فريق (الغريزة) بس اللي انا معترض عليه اسلوب الشجيع والعصبية لانه في ناس عندها تشجيع سلبي يعني ممكن تكسر الدنيا لو فريها انغلب وممكن يقعد فترة زعلان ما بحكي مع حد ومن هالامور ( طبعا عندي دليل على كلامي من ناس انا بعرفهم كويس)... هذا من ناحية.... لكن الناحية التاني اللي بديي احكي فيها انه شعب غزةبالخصوص يعاني من كبت وملل في الحياة علشان هيك بتلاقي الكل بيحضر مبارايات وبيحضر الافلام لقتل وقت الفارغ ولونع من الترفيه ( انا غير معترض لانه ما في غير هيك مجال للترفيه ).. اما بالنسبة للشيشةوالدخان طبعا هذا كله نتيجة الفارغ القاتل بمعنى تاني ( قبل كم من سنة كان الكوفي شوب قليلة في البلد او بالاحرى زبائنها قلا لكن في الفترة الحالية كل الشعب في الكافيات بيروح عن نفسه وكمان اغلب الشعب صارت عنده شيشة في البيت يعني بيروح من الكوفي على البيت على الشيشة ( اللي باقصده انه هذا سلوك نتيجة لعدم استغلال الوقت ابو بالاحرى نتيجة الفراغ الكبير في الوقت) لكن في جو المباريات على وجه الخصوص ( متعة المبارة تحضرها وانت بتشيش يعني بتعمل جو)....؟؟؟؟؟؟؟؟؟::::::::::: فذها كله رد فعل طبيعي لشعب يعاني من مسالة الوقت وعدم استغلاله او كمحصلة نتيجة البطالة الموجودة في البلد يعني لو الشباب اللي قاعدة بتدخن وبتشيش طول النهار واليل في عندها شغل كان ما لقيت واحد فيهم بيفكر في الموضوع اصلا ...
   طولت كتير وانا بحكي بس الواقع هيك ... وبصراحة الموضوع جدا عجبني.. تحياتي ابو عبدالملك

1. 

   the SeMiTiC 12 أبريل 2010 في 5:29 ص

   السلام عليكم ..
   
   موضوع رائع أبو عبد الملك .. كنت رح أحكي عنو بصراحة لكن انت سبقتني .. دائما سباق بالخير ..
   
   لكن بدي أعقب على نقطة بالنسبة للعصبية .. هذي ما إلها علاقة بالكبت أو الملل أو الفراغ .. إلها علاقة بشكل مباشر بـ "الجهل" ..
   
   بتعرف إنو حتى في إنجلترا .. اللي بتوزع حضارة ع العالم .. بتلاقي مثل هيك أمور .. مش بس الناس تقعد في كافيهات وتحضر مباريات وتشجع .. لا .. كمان تتطاوش بعد المباراة ويصير الدم للركب ويموت من المشجعين .. وتظل ثارات بين المشجعين تتجدد في كل مباراة تجمع المتغارمين مع بعضهم البعض ..
   
   انت ما بتحضر أفلام أجنبية .. لكن بنصحك تبحث عن فيلم Green Street Holigans .. هو فيلم من انتاج بريطاني .. ويمكن لما تحضرو تستغرب .. لكن بصراحة كل اللي بيحكيه الفيلم عن مشجعي كرة القدم في بلد حضاري ومتقدم مثل بريطانيا تستغرب .. هل هذول فارغين وبيحسوا بالملل .. لأ .. عندهم عائلات وأعمال ودخل ممتاز وأولاد يخافوا عليهم وعلى مستقبلهم .. لكن لما الواحد منهم يروح على مباراة فريقه .. بيودع مرته وأولاده زي اللي رايح ع الجبهة ..
   
   والفيلم - للمصيبة كمان - ناقش الفكرة من منظور تراجيدي درامي لأبعد حد .. وكأنو بيعرض مأساة حدوثها اعتيادي .. مجرد عرض لفكرة بشكل ترويجي واستثماري .. وما بيحاول يطرح الفيلم أي حلول .. لإنو ما في أي حلول من وجهة نظر صانعي الفيلم .. ولذلك الفيلم ما انعمل منو جزء واحد بس .. انعمل منو اثنين ونهاية الجزء الثاني كانت مفتوحة على جزء ثالث جديد ..
   
   يمكن تحكي شغل سينما .. لكن راجع أرشيفات الأخبار بالمواقع الإليكترونية بفترات البطولات الكبرى .. خصوصا بطولة الـ ERUO .. في كل بطولة .. المشجعين البريطان لازم إما يقتلوا أو ينقتل منهم حدا ..
   
   هالمسألة مش متعلقة بالفقر وسوء الأوضاع لحتى نربطها بس بمجتمعنا أو بمجتمعات ثانية بالعالم الثالث .. مثل مصر (أهلي وزمالك) أو السعودية (هلال ونصر وما بعرف شو) أو السودان (أهلي ومريخ) أو بغيرها من الدول العربية ..
   
   تحياتي يا أبو العبد .. ودايما اختياراتك موفقة ومشاهدك اللي بتعرضها إلنا في منتهى الروعة يا ماستر المدونة ..

1. 

   أحمد عوض أبو الريش 12 أبريل 2010 في 3:58 م

   لطفي
   تحياتي الك ومنوور المدونة
   كلامك صحيح مية بالمية الفرااااااغ قااااااااااتل .. والله اني في الاجازة كنت ازهق حياتي .. وكنت اقول الله يعين شباب البطالة... والله مشكلة
   
   كنت اتمنى لو انه الحكومة في غزة انها تقوم بتنظيم هيك مناسبات .. على الاقل تفرغ شوي من طاقات الشباب اللي عدها انفجرت من الهم والقرف..
   كنت اتمنى انه يتم عرض المباراة على LCD او بروجكتور على الأقل نادي في كل محافظة.. لكان الموضوع الو طعم احلى .. خصوصا لما يشعر الشباب انه في ناس بتفكر في فيهم ..
   
   تحياتي يا مختاااااااار

1. 

   أحمد عوض أبو الريش 12 أبريل 2010 في 4:03 م

   الرفيق السامي أسامة
   
   شرفت الموضوع بتعليقك عليه
   
   بالنسبة لبريطانيا وجماهير بريطانيا .. فهو معروف عالميا انه اقل مشجعي العالم أخلاقا هم مشجعي لندن او بريطانيا.. برغم انه ظروفهم المادية والاقتصادية مرتاحة ..والبطالة عندهم قليلة .. لكن بتبقى نقطة التعصب موجودة .. فعلا حاجة غريبة..
   
   ولا تنسى شعارنا في المدونة .. الكهربا كالسيف ان لم تقطعها قطعتك ..
   علشان هيك الغلبة للاسرع ههههه
   
   المرة الجاية ان شاء الله الموضوع الك ..
   
   
   منووور يا رفيييييق

1. 

   the SeMiTiC 13 أبريل 2010 في 12:23 ص

   طيب ان شاء الله ..
   
   عندي نقطة تفوق أنا .. في عنا بالدار ماتور كهربا .. ههههههههههه
   
   بس ما تحرق موضوعك قبل ما تنزلو .. نزلو بالأول لحسن بعدين ألطشو منك .. بتعرف ابن عمك حرامي وايديو طويلة ههههههههه