بالك بكرة تعليق وإلا لأ ؟؟

طيب رح نقدم بكرة إمتحان وإلا لأ؟؟

هذه الأسئلة كتييير منا سمعها أو سألها في الأيام و الأسابيع اللي فاتت..

طيب مين عنده الجواب؟؟

نقابة العاملين في الجامعات الفلسطينية تعلن عن قائمة بأيام التعليقات الجاية كنوع من التهديد وورقة ضغط على الحكومة لتلبية مطالبها واللي هما شايفين أنها حقوق مشروعة الهم ومسلوبة منهم ..

وبعدها قبل بكم من ساعة من يوم التعليق المعلن عنه من إسبوع أو إسبوعين بينزل خبر بتعليق التعليق ..
فبيعلق الطالب -وهو الوحيد اللي مسلوب حقه في هالقصة وهو اللي بيدفع التمن- بيعلق ما بين خبر من الماضي بنى عليه جدوله ..وما بين خبر جديد نزل قبل كم ساعة من موعد التعليق ..

والمطلوب منه كطالب يدفع الثمن وهو ساكت سواء كان دوام وإلا تعليق..

لو كان دوام رح ينصدم بإنه عنده بكرة إمتحان وهو مجهز حاله على تعليق ..

ولو طلع تعليق بده يييجي تعويض يوم السبت .. هذا غير إنه رح يصير يسمع عناوين المحاضرات والباقي يدرسه لحاله لإنه "اللي عليك عليك" زي كإنه الطالب اللي معلق.. وإلا هو المستفيد..

وكمان الكلية .. برغم إنها اتخذت قرار كويس بتأجيل الإمتحانات إسبوع.. لكن برضه الطالب ضل معلق بين السما والأرض لا هو يمين ولا هو شمال واقع تحت سيطرة ”إذا كان..فإن..”

علشان هيك عندي سؤال صغير :

لو بدي أجيب أنا كطالب حقي اللي ضايع بالرجلين .. مين بده يعلق علشاني.. نقابة الجامعات وإلا الحكومة؟؟

عنجد اللي بيصير هذا مهزلة وبصراحة.. مش عاجبني

التصنيفات | 2 تعليقات

2 تعليقات على : “لمتى؟؟ بالله عليكو حدا يقولي لمتى؟؟”

  1. عـن جـد شغلـة بتقصـر العمـر

    الطـالب بالنهـاية

    حسبـه الله و نعـم الوكيــل ..!

  1. يا اخي العزيز

    كما تكونوا يول عليكم

    والعالم هاي زي ما بيقولوا بالعامية استوطوا حيطتنا
    جروا ورا مصالحهم وتركونا
    وبالاخير بيطلع كام واحد فيهم بالكلام المعسول الي يخدر في ادمغتنا عن السر الكامن وراء التعليقات
    لهيك كل واحد يوطن حاله على هيك شي ويدرس بأول بأول مشكلتنا انه ما بنتوقع اسوأ الاحتمالات وبنشتغل عليها وبضل قال عندنا أمل بالجامعة الكريمة

أكتب تعليقا