شغلة جديدة شفتها واستفزتني جدا جدا فوق ما تتصوروا .. لانه هالمرة الأمر بيتعلق بديننا
عادة انا بصلي في المسجد (سين) القريب من دارنا .. وهو أقرب مسجد لمنطقتنا وفش بيننا وبينه مسافة كبيرة .. على خلاف مسجد (صاد) الي أبعد بمسافة مش بسيطة عن مسجدنا (سين)..
شب جاري في نفس عمري تقريبا .. وساكن جنبي عدل .. بيصلي كل صلاة بصلاتها وهذا شيء أحترمه فيه بشدة .. لكن لاحظت انه ما بيصلي في المسجد (سين) القريب وبيصلي في مسجد (صاد) البعيد ..
خطر في بالي سؤال .. ليش هو بيعمل هيك ؟؟
بعديها شفت واحد من قرايبي الي في المنطقة برده .. بيسيب المسجد (سين) وبيصلي في (صاد) .. كمان استغربت تصرفاتهم
ما دام انه الاثنين رغم انهم مش متفقين مع بعض الا انهم الهم نفس التصرف .. يبقى أكيد في سبب
لما سألت ودورت إكتشفت أنه هادول الاتنين بيتبعوا لحركة (كذا) وهما الاتنين لما انضموا لهالحركة سجلوا أسماؤهم في مسجد (صاد) فأصبح لازم عليهم أنهم يصلوا بشكل دائم في مسجد (صاد) كصلاة وتسجيل حضور .. بالرغم من أنه المسجد (سين) برضه تابع لحركة (كذا) .. لكن لازم تسجل حضور في نفس مسجدك
بصراحة هالشغلة استفزتني جدا جدا جدا .. ونهائيا مش عاجباني
التصنيفات | 1 تعليقات
شكلك باقي مش عايش بالبلد الشيء هاد اله زمان انا من الحركة الفلانية وجامعي لازم يكون بالمنطقة الفلانية لانه تابع لحركتي مش لانه انا بدي امشي للمسجد مسافة اطول واخد حسنات للأسف اغلب اصحاب التيارات السياسية ان ما كان كلهم معموللهم اشبه بغسيل دماغ يعني لو قالولهم الصلاة بالمسجد الفلاني حرام شرعا لانه مسجد الحركة الفلانية بيقولك سمعنا واطعنا