من حد ما يصل اخر الشهر بيصير الكل يحسب قديش ضايل للقبضة علشان تنزل ..
اول ما تنزل القبضة الكل بيروح يجري ع البنك او بالاصح على الصراف الالي ATM
الناس بتكون طوابير طوابير على هالصراف
انا ما بلومهم ظروف المعيشة عنا ناااار وغالية (خصوصا اني متولي وزارة المالية في الدار وعارف الوضع كيف)
الكل بيصل اخر الشهر بيكون مفلس
لكن هذا مش معناته الكل يقف على راس الي بدو يسحب مصاريه من الصراف ..
هذه واحدة من الخصوصيات الي يجب انها تحفظ للغير
عنا هان بيكون عشرة على راسه واحد بيقرا في رصيده والتاني شوي ويكتبله رقم السري .. فش احترام لحريات الاخرين
كنت في بلد غير بلدنا .. وعشت نفس الوضع هذا هناك .. لكن الفرق كان في انه الدور ماشي بهدوء .. وبين الي ع الصراف والي بعديه فراغ مترين .. كنوع من احترام خصوصيات الآخرين
الشغلة صحيح بسيطة .. لكن لها دلالات مهمة .. وبصراحة مش عاجباني
التصنيفات | 0 تعليقات
0 تعليقات على : “احنا في اول الشهر .. يعني القبضة نزلت.. ع الصراف جراي”