خلال فترة تدريبي في الصيدلية مر علي أشكال ألوان من الناس
في شغلات ممكن الواحد ينساها لكن في شغلات فعلا بتستفز الواحد
مثلا ً أجت ست أخذت شوية غراض من عنا من الصيدلية
سألت سؤال غريب شوي "أنتو تابعين للصيدلية الفلانية" قلنالها لأ وسألناها ليش هالسؤال.. صارت تحكي وبعصبية بانها اخذت ابرة من صيدلية تانية وما اخذتها هناك لان المسؤول فيها شب فراحت على الصيدلية الفلانية لأن الي بتشتغل فيها صيدلانية لما طلبت منها تعطيها الابرة ردت عليها بهالجملة " اذا ما كنتيش ماخذة الابرة من عندي مش رح ادقك اياها " وفعلا ما اعطتها اياها
بعملتها هذه ضيعت للصيدلة كل معانيها واكتفت بانها مجرد بيع.. لا حول ولا قوة الا بالله
قاعدة معروفة في الامور الطبية // " اي مساعدة بتقدر تقدمها لمريض مهما كان هذا المريض حتى لو كان عدو الك لازم تقدمها "
للعلم فقط الست مريضة بالغضروف يعني وجع في الاعصاب من اصعب انواع الوجع
التصنيفات | 2 تعليقات
يمكن رفضت تعطيها اياها من منطلق امانة ...
يعني البنت شو ضمنها انو هاي الست ما بدلت الدوا اللي داخل الابرة
خاصة اذا كانت فيال مش امبول يعني ...
وما كانت بتعرف الست منيح تتأكد اذا صادقة او لأ
هذا والله ورسوله اعلم :)